譽小館 (已易手) 新餐厅

彩园广场越来越多新食肆进驻，令附近居民有好多选择，今次带父母黎试吓呢间港式餐厅，但其实呢度同普通酒楼冇乜分别。虽然呢度铺头唔算大，但坐位一啲都唔逼，仲有好多卡位添！环境仲好舒服添！一坐低，有职员会介绍你有咩好推介，可以令有选择困难症嘅你钟意拣出自己想食嘅嘢！呢度有好多点心选择，黎饮茶梗系要食虾饺烧卖同凤爪啦！不凤爪好味都食咗一半先记得影相！仲叫咗碗鲜牛肉鱼腩粥，即叫即煲，好鲜甜好好食！仲叫左菜芯食，唔苦又鲜甜，份量仲几多添！仲有鲜虾云吞面，面身爽弹，有咬口！值得一试！呢度啲员工仲好勤力，收碟加水好落力！值得一赞！