鯛魚魚湯專門店 (已結業)

喺附近揾下午茶有好多选择不过今次就唔去食茶餐厅拣咗呢间鱼汤嘅专门店。餐厅环境唔错，推介食呢一度嘅鱼汤，味道好浓郁而且好香。除咗散点另外仲会有套餐，我就点左个海胆鲷鱼汤饭，估唔到啲海胆都几唔错虽然冇出边日本海胆相比咁鲜甜但系佢嘅质素非常唔错！好味我点左个小食鸡翼，入边酿咗糯米，外皮热辣辣，好好味。另外点左一个乌冬，材料有鲍鱼，花胶等等呢一啲养生嘅食材，又系用咗鲷鱼嘅汤底所以真系好入味。鲍鱼超级大只，呢个价钱真系好抵食。食物质素亦都非常之唔错配料新鲜，最钟意连佢嘅汤底都饮埋另外我哋叫咗咖啡同埋呢度既特饮，餐牌上面都有几多唔同嘅选择，唔系净系奶茶咖啡咁简单。