Seafood Stand (已結業)

呢间餐厅都开咗一排，一直无乜意欲去试。但早两日附近几间想食嘅餐厅，唔系菜色唔啱食，就系无位。见呢间几企理，又有位，就试吓！餐厅主打汉堡包，其他枱枱都系食汉堡，不过小妹就麻麻。所以拣咗招牌海鲜意粉。同餐牌张相一样咁靓，有暖碟，相当好。有1只小龙虾、1只带子、4只青口，意粉软硬适中，酱汁好味。小龙虾鲜甜，虾身从中间已经切开，不过食起上嚟始终有啲难度。带子都几好，但似乎有啲过火。青口有1只有少少沙，尚可，味道偏淡；如果加酱汁煮一阵，会好啲。总括呢讲，唔错，服务几好，坐得几舒服，少贵。