智景車仔麵 (已結業)

520既晚上，虽然我地无特别庆祝，但都同老公去左撑枱脚，等待老公放工后，一起去感受下街头浪漫，选择左油塘既智景车仔面 ，虽然佢中午时段系车仔面，但到夜晚会有粥底火㶽同卜卜蚬。我地选择左坐露天，不过上面有帐篷，下雨都唔惊。叫左卜卜蚬，奉上4种海鲜同自选6种打边炉食材，2人份，每人168。但海鲜非常非常新鲜（要强调两次），鲍鱼弹牙，虾有弹性鲜甜，贵妃蚌亦系鲜甜无比，蟹虽然系肉蟹，但竟然有好多膏，结实鲜甜。（发现自己用左好多个鲜甜字眼，但请容许我词穷，因为真的很鲜甜，唔识用其他字形容词形容）此外，鱼皮饺亦系推介之一，非常有咬口，咬洛下有汁。仲有，不得不提，佢地既麻辣调味料，如果喜欢食辣既朋友一定要试试，有麻有辣有层次。520既晚上，一路慢食，一路啤酒，一路感受旁边既雨声车声。其实都系一种地道既风咪。（虽然系大排档feel，但卫生非常干净，同服务亦很贴心）如果住系附近既朋友，有兴趣可以一试，可以说海鲜真的性价比高，其他野都不错，一起感受坐街边打边炉既情怀。