影片
更多
2021-08-22
187 浏览
呢排大鱼大肉，间唔中都想食返啲Comfot food令肠胃舒服啲。所以今日就拣咗炮台山地铁站对面𠮶间知粥尝乐去食粥。虽然大热天时，但佢冷气开得够，食粥都唔会觉得太热。睇到店家推介嘅海鲜砂锅粥，就即刻谂起澳门氹仔嘅水蟹粥，因为冇得去，所以就即刻点返个海鲜粥怀念一下。食粥又点少得炒面同肠粉，之后再加咗个蚬蚧炸鲮鱼球。炒面同虾米肠先上，因为呢啲已经一早煮好，直接上枱就得。原来叫呢两样嘢各加$3，就可以叫杯冻饮，咁就非常抵食。炒面份量唔错，虾米肠就好似少咗啲，加埋甜豉油甜酱一齐食，大满足。跟住就到砂锅粥上枱，大大煲热焫焫，里面有一只花蟹再加七八只鲜虾，仲有两只鲍鱼，唔怪得食落成煲粥咁鲜甜啦。海鲜味融入咗系粥里面，啖啖都系海鲜同粥嘅精华，好食到停唔口。最后上枱嘅蚬蚧炸鲮鱼球，鲮鱼球比想像中淋咗啲，而蚬蚧酱可能系自己调校，比一般食开嘅再咸啲，呢个就唔算太出色啦只可以话合格。今晚最欣赏嘅当然系个海鲜砂锅粥啦，如果继续冇得去澳门，咁就可以嚟呢度食多次海鲜粥，再怀念下🤪
所以今日就拣咗炮台山地铁站对面𠮶间知粥尝乐去食粥。虽然大热天时，但佢冷气开得够，食粥都唔会觉得太热。
睇到店家推介嘅海鲜砂锅粥，就即刻谂起澳门氹仔嘅水蟹粥，因为冇得去，所以就即刻点返个海鲜粥怀念一下。
食粥又点少得炒面同肠粉，之后再加咗个蚬蚧炸鲮鱼球。
炒面同虾米肠先上，因为呢啲已经一早煮好，直接上枱就得。原来叫呢两样嘢各加$3，就可以叫杯冻饮，咁就非常抵食。炒面份量唔错，虾米肠就好似少咗啲，加埋甜豉油甜酱一齐食，大满足。
跟住就到砂锅粥上枱，大大煲热焫焫，里面有一只花蟹再加七八只鲜虾，仲有两只鲍鱼，唔怪得食落成煲粥咁鲜甜啦。海鲜味融入咗系粥里面，啖啖都系海鲜同粥嘅精华，好食到停唔口。
最后上枱嘅蚬蚧炸鲮鱼球，鲮鱼球比想像中淋咗啲，而蚬蚧酱可能系自己调校，比一般食开嘅再咸啲，呢个就唔算太出色啦只可以话合格。
今晚最欣赏嘅当然系个海鲜砂锅粥啦，如果继续冇得去澳门，咁就可以嚟呢度食多次海鲜粥，再怀念下🤪
张贴
