醉辣鮮 (天空之城)

营业中

休息中

之前上网见人推介已一直想试，终于揾到朋友去，在锦上路站搭小巴便到，比我想像中方便。 环境都几大，早早已有圣诞布置，好有圣诞气氛，我地到场时，大萤幕正在播放世界杯，正好可以睇埋波😆拣好食龙虾餐后，店员指示出去拎个桶，自助夹海鲜。养水池水质清澈，海鲜生猛扎扎跳。㨂完一轮后，将水桶交给店员便会代㓥和处理海鲜。然后到自助区夹蔬菜和自调酱汁。一开始会先上一碗老火汤，边饮等边红枣杞子虫草花蒸鸡蒸好，8分钟转眼间便过，鸡肉嫩滑，原汁原味。 之后蒸龙虾，平时通常唔系上汤煮就芝士焗，好少清蒸，第一次食清蒸龙虾，我同朋友都好惊讶原来就咁蒸就已经可以咁鲜甜味美，肉质弹牙。肉蟹有膏，但不算大只，很快便KO。 之后蒸埋扇贝，虾，蚬和蔬菜，已经好饱，开头仲觉得每样一件惊唔够饱。最后仲有海鲜汁南瓜粥包底，保证大胃皇都够饱。埋尾仲有一人一碗糖水。我哋去个日系星期五晚仲要落雨，谂住应该无乜人，最后全场爆满，好彩有订位。