魚米家魚湯米線 (已結業)

虽则话就话泡饭对个胃唔好，之但系我又钟意食㖞!由其系宜家咁冻既日子，食完个身真系好暖架!今晚老公独自去偷欢，我自己一条友收工就去市中心度食埋个泡饭先返啦!打开MENU，泡饭都有好多个选择呀!几丰富!我拣左个「」。D猪软骨有6件，都几多!本身我仲以为会连埋个泡饭一齐上，我心谂猪软骨汁咪捞埋落个饭度?原来唔系既，好贴心架，分开上。先讲D猪软骨，猪软骨D汁真系好好味，炆到D猪软骨劲入油，食落又唔油腻，猪软骨D肉同软骨各占一半，D肉都好林，应该炆左好耐，老人家都岩食!再讲个饭，D汤好清甜，系鱼汤(但鱼味就唔系好觉)，同埋饮落唔觉得有味精。饭入面仲有D配料，胜瓜﹑冬菇﹑萝卜，而且份量都唔少，胜瓜同萝卜煮得几林，唔系硬身上!!食得多猪软骨之余，又有D菜咬下都唔错。