阿堂魚湯 (已結業)

今日约了两个朋友喺太子附近食饭， 朋友推介“阿堂鱼汤"， 所以一齐去试下。一坐低见到隔离台个吉列猪扒定食好吸引。二话不说就点呢个, 听朋友讲呢度鱼汤好正，所以加$3就转汤乌冬，定食来到原来系有沙律菜的，比较健康，猪扒表面炸粉好脆，入面嘅猪扒就好软淋淋， 皮脆肉软。 乌冬应该系赞岐乌冬，鲜鱼汤真系好真材实料，浓郁嘅鱼味。朋友叫咗金菇牛肉卷定食，都有沙律菜及鱼汤送，我地各交换一件试食，牛肉好淋唔韧，个烧汁甜甜地好香浓。另一位朋友叫咗烧鸡扒定食，我也试了一口，鸡扒皮烧得好香口，不过肉质就有点硬，可能烧过了时间。酱汁同金菇牛肉卷的好似系一样，所以都唔差。这里餐饮系罐装汽水，我饮汤后实在已太饱，所以都系拎走慢慢饮。个鱼汤无味精，正系回味无穷，下次一定再来。