茶廳 (已結業)

阿妈成日都话呢一间的早餐唔错，特别系鸳鸯，咖啡香，奶茶滑，今日有机会食个下茶先啦!我哋坐近门口𠮶张枱，所以唔知里面的环境系点样?但系出面密集式咁摆咗几张枱。招牌茶厅焗猪扒饭 啲饭焗得窿，有啲硬，好似饭焦咁，茄汁唔会太咸，味道适中，菠萝都几新鲜，猪扒唔会太实，腍身，可惜冇乜味道。奶油猪个包一啲都软熟，似系翻叮的，面包口感系韧， 虽然面头有好多酱，但系唔够脆。鲜茄汤牛肉通粉 牛肉好软滑，蕃茄味浓郁，通心粉的口感啱啱好。火腿奄列牛油多士个蛋好滑，唔会太多油，火腿有煎过，多士好食过个奶油猪好多，牛油份量适中。阿妈话今次杯鸳鸯系由女人冲，冇咁好饮，之前个男人冲得好饮好多。柠水正常。