Moon Thai (已結業)

夜晚行过上环，突然谂起有间想去好耐嘅餐厅，就系Moon Thai, 一间喺酒店入面嘅泰国菜。记得之前喺网上睇过价钱合理评价又几好， 于是就入去试下。Moon Thai位于苏杭街，夜晚条街比较静， 上到去餐厅冇乜人， 佢有室外同室内位，分别一两成满左右。我叫咗鲜虾炒金边粉 （我劲钟意泰式炒金边粉）。 送到上嚟 ，热辣辣， 啲面唔会黐埋一嚿又炒到少少干身，正! 啲虾系爽口嘅，成碟加埋青柠汁同花生捞埋一齐食，真系超级好食! 酸酸地非常醒胃 !  (出面有时啲唔好食嘅泰式炒金边粉，啲面会“桨“埋一旧又淋，同埋好多时啲虾肉都有啲霉)  呢间嘅鲜虾炒金边粉令我非常满意 ! 始终系酒店餐厅，所以会贵啲，一碟要128蚊再加一。 不过呢度坐得舒服，服务又几好， 所以收费都合理嘅。 坐咗成晚，呢度嘅人客都唔多，我要介绍呢度比多啲朋友识喇，迟啲可以一齐嚟呢度聚餐，多啲人share仲可以试多啲菜式添呀。