靠得住粥麵小館 (MegaBox)

营业中

休息中

今日正好经过九龙湾mega box，一于上来平民米芝莲餐厅食下午茶餐。环境干净明亮，舒服嘅卡座位，人少而静。叫咗招牌鲜虾云吞面，10分钟后，侍应上咗碗无汤面，然后才淋上热辣辣嘅汤，既保持咗热度又可以令面保持弹牙避免因浸透汤而变冧，有少量嘅虾籽铺系面上，食落去面弹牙之余冇碱水味，而且充满鲜香浓郁虾籽味，云吞皮薄细粒，但咬落鲜虾弹牙爽口，非常鲜甜，大概有5粒云吞，面条份量少，正常下午茶份量，只系38蚊（另有加一），好味得来又抵食！会再嚟。