BnR (已結業)

呢间BnR米线铺外型新颖，唔似米线铺，原来佢个名=“Broth Noodle Rice”，姐系清汤既饭或面。佢装修都几光猛几干净，坐得十分舒适。佢主打3款汤：浓鸡汤，鲜鱼汤同埋特色汤。佢可以拣淮山面／米线／河粉／泡饭，配料都几名贵几特别，例如有花胶，胡椒猪肚，酿鱿筒，五指毛桃鸡，虽然佢一碗面都要70-80蚊，但有靓汤靓料都对得住个价钱。 🔸️花胶鸡鲜鱼汤米线 + 水饺（$69+$13，8.5／10）个鲜鱼汤底我几欣赏，奶白色，真系有鲜鱼汤味，饮落好舒服，完全冇味精感觉。另外佢有两块花胶，鸡件都几嫰滑新鲜，推荐大家加$13加多两只手工韭菜饺，够料又结实，好味！ 🔸️浓汤浸时蔬（$48，8.5／10）清甜既汤底渌菜心，菜心特别新鲜同甜。 🔸️冷泡菊花蜜 （$28，8.2／10）独立包装自家制，甜甜地几清润。