影片
更多
2017-08-27
49517 浏览
星期六嘅屯市真系好多人，或者咁讲，其实冇边日系少人。揾黎揾去唔知食乜好，去番呢间巴伦纽对面嘅鲜鱼汤，7月头去都仲系叫九龙城寨鲜鱼汤料理…估唔到个零月后再访已经改左名做「鲜鱼汤」…背后的原因冇深究，我都系黎食个饭啫。周日下午茶时间依旧爆场，逼逼埋埋先揾到两个位。有时唔多理解啲餐厅，系都要留起啲枱，有客等就话啫，冇客等留黎做乜？鲜鱼汤咸蛋肉片泡饭 $44第二次食呢个泡饭，系啦，我个人比较闷，食黎食去𠮶几味。用鲜鱼汤做汤底，味道都几浓郁，不过有别于其他鲜鱼汤出品，呢款始终有肉片、咸蛋呢啲材料，少不免会咸啲。肉片一啲都唔干鞋，又有埋白菜仔，都几足料啦。牛冧冧捞面 $32捞面配一碗仔鲜鱼汤，牛肉够腍身，唔会太肥腻；可惜个面都渌得太腍，唔够爽口。附上嘅鱼汤比起泡饭汤底味道鲜甜啲，最重要系冇咁咸。怀旧大虾多士 $21上次食唔到耿耿于怀，原来一份系四件，有啲贵。多士布满芝麻，欣赏佢连包边都炸埋，食落几脆口。虾馅唔算话好丰富，味道唔出，不过几弹牙。食两件都有些少饱滞感，性价比唔高。
鲜鱼汤咸蛋肉片泡饭 $44
第二次食呢个泡饭，系啦，我个人比较闷，食黎食去𠮶几味。
用鲜鱼汤做汤底，味道都几浓郁，不过有别于其他鲜鱼汤出品，呢款始终有肉片、咸蛋呢啲材料，少不免会咸啲。
肉片一啲都唔干鞋，又有埋白菜仔，都几足料啦。
牛冧冧捞面 $32
捞面配一碗仔鲜鱼汤，牛肉够腍身，唔会太肥腻；可惜个面都渌得太腍，唔够爽口。
附上嘅鱼汤比起泡饭汤底味道鲜甜啲，最重要系冇咁咸。
怀旧大虾多士 $21
上次食唔到耿耿于怀，原来一份系四件，有啲贵。
多士布满芝麻，欣赏佢连包边都炸埋，食落几脆口。虾馅唔算话好丰富，味道唔出，不过几弹牙。
食两件都有些少饱滞感，性价比唔高。
张贴
