捌壹壹 (奶路臣街)

营业中

休息中

平时和朋友喜爱食酸菜鱼，都谂起要返深圳食，原来香港都有酸菜鱼食，仲好啱我口味，有川菜的惹味，又可走辣，实在太啱我喇。店主推介的冷锅酸菜鱼$148，原来都系煲起热㷫㷫上枱食的，食晒先加汤作火锅。餐牌还有好多小食。冷锅酸菜鱼，非常大煲，而且有很多咸酸菜，建议连埋汤同鱼一阵食，鲜鱼片好嫩滑，都少骨，酸菜好开胃！仲有透明烟韧的宽粉，食起都好够份量。小食选了口水鸡$58，我选了微辣，鸡肉都大件，而且肉质鲜甜，又滑，最惹味系个辣油同粒粒脆香的花生，食左停唔到口。酸菜同鱼片食到八成后，开始打边炉，今晚心水主要食海鲜，先叫美国桶蚝$118，有4只，超大只，又肥美，而且唔腥，好鲜甜，非常新鲜。再点了鲜甜带子$88，将带子开边，煮起上来容易熟，唔会韧。还叫了响铃$35同皇帝菜$35。最后叫饮品，柑橘青柠梳打$26，够冰凉；蓝莓沙冰$32，哗了一声，成座冰山咁好大杯，当打边炉食到热烫烫，饮这冰冻特饮，非常解渴，清一清油腻口感。