影片
更多
2024-09-06
1643 浏览
呢间素食餐厅源自元朗锦田，而家终于开分店啦，今次选址东区鲤景湾. 茹素嘅朋友又多个好选择. 餐厅环境以纯白加木系为主，感觉简约优雅，落地大玻璃提升空间感，户外座位都好chill. 食物主打无添加自家制好健康. 餐厅采用手机自助落单，食物选择几多，餐牌仲好贴心标示蛋奶素元素满足不同素食程度需要. 晚餐有十多个选择，价钱都系一百多元. 每个套餐都有前菜、汤同面包. 面包都系自己整㗎真系一丝不苟. 清酒串串茄同紫薯淮山丸子桂花汁好有特色，清新开胃. 成个套餐用日式定食上桌呈现几精美. ⭐️Tiramisu Latte饮得嘅甜品，满足感十足. 面层有铺满cream同咖啡粉嘅手指饼做装饰，沾上咖啡够多元化. 真系好似食紧Tiramisu咁. ⭐️抹茶鲜奶有深度嘅抹茶系来自宇治嘅丸久小山园人气抹茶老舖，茶味香浓，配合滑滑嘅鲜奶，就成为美满嘅伴餐饮品. ⭐️素窝蛋免治牛肉饭热辣辣香喷喷，仿真度极高嘅素肉饼神还原真牛肉嘅口感，淋上枸杞豉油甜甜地又有益. 意大利饭做煲仔饭几特别㖞，食落煲边仲有饭焦㗎. ⭐️VMC素牛肉汉堡配法式薯条餐厅招牌用上店名命名. 面包松软，馅料丰富. 蕃茄、生菜、菠萝加埋蜜糖芥末酱汁好
晚餐有十多个选择，价钱都系一百多元. 每个套餐都有前菜、汤同面包. 面包都系自己整㗎真系一丝不苟. 清酒串串茄同紫薯淮山丸子桂花汁好有特色，清新开胃. 成个套餐用日式定食上桌呈现几精美.
⭐️Tiramisu Latte
饮得嘅甜品，满足感十足. 面层有铺满cream同咖啡粉嘅手指饼做装饰，沾上咖啡够多元化. 真系好似食紧Tiramisu咁.
⭐️抹茶鲜奶
有深度嘅抹茶系来自宇治嘅丸久小山园人气抹茶老舖，茶味香浓，配合滑滑嘅鲜奶，就成为美满嘅伴餐饮品.
⭐️素窝蛋免治牛肉饭
热辣辣香喷喷，仿真度极高嘅素肉饼神还原真牛肉嘅口感，淋上枸杞豉油甜甜地又有益. 意大利饭做煲仔饭几特别㖞，食落煲边仲有饭焦㗎.
⭐️VMC素牛肉汉堡配法式薯条
餐厅招牌用上店名命名. 面包松软，馅料丰富. 蕃茄、生菜、菠萝加埋蜜糖芥末酱汁好清新，素牛肉汉堡好有咬口. 薯条炸得香脆唔油. 仲有大大支蕃茄任唧.
⭐️比利时朱古力批
芝士朱古力慕丝好浓郁，个Brownie饼底好有质感，表面铺满厚厚忌廉，有士多啤梨同蓝莓点缀好清新.
整体食物高质环境舒服，食完成餐都觉得好健康轻盈，得闲食素人都开心啲. 呢度仲咁多选择仲未试，绝对要再回头啦. 不过呢有机会真系要去吓佢哋嘅元朗纯白玻璃屋分店试，好有特色㗎.
张贴
