三家村水產 (已結業)

鲤鱼门系一个食海鲜嘅好地方，近排开咗间日式食店，有时间，当然一定要去试下啦。门口摆放好新鲜嘅海产，鱼虾蟹贝壳类各类鲜鱼陈列在大门口，食客可以亲眼睇到海鲜有几新鲜有几靓，可以话系一个信心保证！入面装修充满心思，好有正宗日式风味，以为自己去咗日本食嘢！连洗手间嘅装修都一丝不苟，墙上画咗好大幅嘅壁画，去厕所都系赏心乐事。餐厅嘅地理位置一流，临近海边，坐近窗口，可以话有180度海景，环境优美得令人乐而忘返。即使唔系坐喺海边，里面嘅位置亦都几舒服，唔会好密麻麻，亦唔会话好容易听到隔离位讲乜嘢，系繁忙地区餐厅好难做到嘅优势；所以虽然鲤鱼门系有少少远，但咁样专程搭车入嚟系值得嘅！因为除咗环境之外，最重点——食物，无械可击！先试一试季节刺身特上选拼盘，大厨用上最合时令、当日最新鲜嘅海产，为我哋带嚟鲜甜可口嘅刺身，虽然厚切，但入口即溶，鱼油甘香慢慢渗入味蕾，余韵无穷。高质海产，当然冇雪味；入口嘅温度恰到好处，将海产鲜香发挥得淋漓尽致。江户前天妇罗拼盘种类丰富，有虾，冬菇 ，各款蔬菜，应有尽有。咁多款天妇罗，最好食一定系虾，因为个炸浆够薄，食起嚟唔会抢走咗虾肉嘅质感，亦都可以保持到虾肉嘅水分，成个口感更加