立体派拉麵 (棉登徑) (已結業)

今日朋友喺尖沙咀放工，话要同我食拉面。见到呢间铺头个招牌几令又好有日本风，所以就入左去。入面装修都几唔错。我地叫左2个拉面同2个小食。呢个特级白汤（大）真系好大，大过我只手劲多。我饮过个汤，都几浓味，d肉薄薄地好淋。我叫左个鲭鱼汤香菇野菜海虾拉面，佢个汤微辣好惹味，佢仲有好多菜同个汤底几夹，d紫菜好脆好大块，佢d虾用左酒腌好浓酒味好香。面质适中，食落去岩岩好。个饺子煎得好香，佢有个酸酸地既汁比你点都唔错。个鸡翼都唔错，佢个皮炸得好香脆，同埋入面都好多肉，d肉好新鲜，唔会有鸡个仲压味。虽然唔算平，但个鲭鱼汤拉面真系一试难忘劲好味😭😭😭 佢同平时食开d拉面既汤底真系超唔同！会想再encore。