影片
更多
2020-07-29
2325 浏览
晚餐无得堂食，所以最近买多咗外卖。呢晚喺湾仔做完嘢，行过天乐里附近见到有间新开嘅餐厅，估唔到日本餐厅易手转咗做鲷鱼浓汤乌冬专门店🏮。餐厅环境其实相当唔错，无得堂食确系有点可惜😟。顾名思义，餐厅主打嘅当然系鲷鱼浓汤乌冬🍜，可以搭配嘅𩠌料有吉列猪扒、吉列蚝、海鲜、鲍鱼花胶、元祖叉烧同蒲烧鲷鱼腹等等。另外，餐厅亦有提供定食同泡饭餐。另一边箱，餐厅嘅轻盈下午茶餐好抵食，平至$38有交易👍，最贵亦都只系$48。外卖🥡包装得好好，就算无要求，餐厅都会主动将鱼汤同乌冬分开，蒲烧鲷鱼亦系另上。蒲烧鲷鱼腹鲷鱼浓汤乌冬($86)，我相信呢个系餐厅嘅招牌菜⭐️。由于系另上，乌冬本身同另一款式无异，乌冬用上扁乌冬，配料有海带、椰菜、京葱、木耳同腐皮。鲷鱼浓汤味道超浓，应该真系用上大量鲷鱼肴煮。不过建议要衬热食，冻咗就会有啲腥🤔。餐厅提示最佳品尝方法系将鱼汤倒入乌冬后先一齐放入微波炉叮。蒲烧鲷鱼腹有三片，煮法同味道都得啲似蒲烧鳗鱼，味道几唔错。🐟鱼肉好滑、无骨，比想像中易接受，本身怕会腥。元祖叉烧鲷鱼浓汤乌冬($82)，🐷元祖叉烧有两大块，好似有稍为炙烧过，几香口。明太子鸡翼($28)，🐔佢其实系酿鸡翼嚟，鸡翼去
晚餐无得堂食，所以最近买多咗外卖。呢晚喺湾仔做完嘢，行过天乐里附近见到有间新开嘅餐厅，估唔到日本餐厅易手转咗做鲷鱼浓汤乌冬专门店🏮。
餐厅环境其实相当唔错，无得堂食确系有点可惜😟。
顾名思义，餐厅主打嘅当然系鲷鱼浓汤乌冬🍜，可以搭配嘅𩠌料有吉列猪扒、吉列蚝、海鲜、鲍鱼花胶、元祖叉烧同蒲烧鲷鱼腹等等。另外，餐厅亦有提供定食同泡饭餐。
另一边箱，餐厅嘅轻盈下午茶餐好抵食，平至$38有交易👍，最贵亦都只系$48。
外卖🥡包装得好好，就算无要求，餐厅都会主动将鱼汤同乌冬分开，蒲烧鲷鱼亦系另上。
蒲烧鲷鱼腹鲷鱼浓汤乌冬($86)，我相信呢个系餐厅嘅招牌菜⭐️。由于系另上，乌冬本身同另一款式无异，乌冬用上扁乌冬，配料有海带、椰菜、京葱、木耳同腐皮。
鲷鱼浓汤味道超浓，应该真系用上大量鲷鱼肴煮。不过建议要衬热食，冻咗就会有啲腥🤔。餐厅提示最佳品尝方法系将鱼汤倒入乌冬后先一齐放入微波炉叮。
蒲烧鲷鱼腹
37 浏览
0 赞好
0 留言
元祖叉烧鲷鱼浓汤乌冬($82)，🐷元祖叉烧有两大块，好似有稍为炙烧过，几香口。
明太子鸡翼($28)，🐔佢其实系酿鸡翼嚟，鸡翼去骨后酿入咗明太子猪肉馅，几特别啊，唔系交行货。
跟乌冬有配沙律仔🥗，以及饮品，我两杯都要咗热茶。
总括嚟讲，而家成日要食外卖，间唔中转下口味，食碗鱼汤乌冬亦系一个好选择。再者，餐厅更有不同小食追加呢😜。价钱中规中矩，都可以一试啊！
张贴
