廈門風味阿珠小吃店 (已結業)

太座好友到访新居，开餐，费事行咁远，顺步走去美景街一吃福建小食....最终因为太肚饿，叫到一台都系，"小"吃卒之变咗"大"吃..太座极爱吃佢哋嘅燕肉饺，点名一定要食。嚟个沙茶燕肉饺大肠蚝仔面线，沙茶酱感觉冇上次食咁浓，稀咗D，失望；燕肉饺维持水准，皮薄而烟韧，馅亦鲜；大肠够淰，冇异味；蚝仔够多，依旧食得过...蚝煎入面蛋嘅部份煎得有点过老，不过又系胜在蚝仔份量几足，醮上甜多过辣嘅辣椒酱，极开胃，都算食得过...春卷极出色--- 用上薄薄春卷皮包入十多种馅料，净系包都讲功夫同心机。一口咬下，食得出有虾米、多种不知名嘅蔬菜、蚝仔、肉碎及腌萝卜丝等。求证老板娘，原来仲有紫菜丝添，将所有配料煮熟后切到碎碎，然后再用春卷包住，大大条只卖八大洋，仲要系好食添，超值...炸芋盒有咸有甜，当晚叫咗个咸嘅。以韭菜肉碎作馅，一口咬下，热辣辣，芋茸有点甜，配合咸嘅馅料，一咸一甜，自己就颇喜爱，但太座就麻麻哋...炸米粉冇添加配料，嚟个清炒，炒得颇干身，OK...再加碟焯生菜同豆浆，埋单你估系几多?一百大洋有找...食到翻肚都系位位三十多大洋...绝对系土瓜湾大部份食肆嘅特点--- 价亷够饱肚(虽未至于间间都