肯德基家鄉雞 (KFC) (已結業)

早餐要丰富, 又想悭钱, 我首选KFC。点餐 - 畀钱 - 入袋 - 拎走, 全程都唔洗5分钟, 啱晒我哋啲赶头赶命嘅打工仔🏃🏃🏃呢个6号餐, 有薯饼又有鸡扒, 一次过满足我所需, 唔够嘅话重可以加多个通粉添。特别钟意佢嘅薯饼, 大大块, 又够脆。鸡排结实, 唔算嫩滑, 起码唔会鞋口, 不过就咸咗啲。一向都唔like快餐蛋, 对我黎讲佢就只系一旧有蛋味嘅东西, 你懂的。不过廿几蚊个餐, 算系咁啦。今日呢个餐用优惠券只系$25, 比正价平左成3蚊鸡架💸, 冇券喺手都可以上网用电子券, 虽然只系几蚊, 但小数怕长计呀吗, 揿个掣就可以悭到, 又何乐而不为呢