Asiri

营业中

休息中

咖哩饭就食得多，汤咖哩就真系比较少见。呢间Asiri主打日式咖喱料理，最多人食既一定系佢既汤咖哩🤩有六款唔同既配料可以拣。另外见到隔离枱叫左吉列猪扒咖哩饭，都好吸引，下次都想试下。 1⃣️鸡脾汤咖哩（$118） Lunch set跟沙律、汤、饭、饮品。佢地既薯仔沙律好好食😳食到粒粒薯仔粒，仲有啲沙律酱同埋生菜～个汤都好正，个样望落清清地咁，但系饮落系好香鸡汤味！饮品拣左青苹果茶，都唔错。  汤咖哩本身以为会好淡味，但系原来食落好香😍不过啲汤就好似有啲少。有好多蔬菜，有西兰花、薯仔、红萝卜、秋葵、茄子等等。鸡脾大大只，好容易就做到骨肉分离，食起上黎好方便。跟住店家既食法，先饮一啖汤，然后再试下毕一羹饭点个汤食，最后食到差唔多将啲饭倒晒落个汤到好似泡饭咁食。  2⃣️炸鱼柳汤咖哩（$118）汤咖哩基本配料系一样既，炸鱼柳就系另外放系饭上面，唔会浸淋佢。鱼柳系切开左两件既，炸得几脆，不过就比较薄，冇乜特别，会推介鸡脾多啲。