純發食堂

营业中

休息中

日日晏昼谂食乜嘢真系谂到头都爆，咁啱今日要嚟鲗鱼涌攞啲嘢，路经芬尼街，见到有间「纯发食堂」，招牌好抢眼。餐厅主打外卖便当，有卤肉系列、打抛肉碎系列、咖哩系列、稻庭乌冬等，另外亦有几款小食可供选择。点左👇🏻猪颈肉辣肉碎便当 ($68)，猪颈肉煮得啱啱好，食落唔会过干，肉碎粒粒分明。戳穿㶶边煎蛋，将流心蛋黄捞埋香辣嘅肉碎连饭一齐食，好滋味！浓汤蒜香鸡扒稻庭乌冬 ($58) 店员好细心，将汤同鸡扒乌冬分开，以不同器皿盛载，以免面条被浸腍，煞是体贴。鸡扒大大块，外皮煎至金黄色，食落非常香口，乌冬弹牙烟韧，加上份量十足，食完好饱肚。