紅館 (海堤街)

营业中

休息中

鲗鱼涌多好嘢食，唔知道你知唔知呢🤩今日食咗一间一听个名就觉得佢劲嘅小店，叫做红馆😎一听个名都知道系食辣野嘅，但系真系冇谂过咁足料咁辣啰🥵同个friend两个lunch咁啱经过入去食啦，平时喺谭仔就食开BB辣嘅，呢边呢最细呢就系小辣，但系都已经超级有料到。而且lunch价钱好抵食， 7十几蚊就已经大大碗，份量好足，我哋叫咗重庆水煮牛肉同埋成都冒菜，配左个薯粉，再加左招牌麻辣大波波鱼蛋同埋一碟油菜，但系真系大碗到两个人都食唔落呀🤣啲薯粉一嚟嘅时候呢分开上嘅，我哋自己将佢放埋入去𠮶碗重庆水煮牛入边，个辣度好够之余，仲感受到店家嘅诚意😗系用真正辣椒整成嘅汤底🌶牛肉都好嫩口好新鲜，啲薯粉完全索晒啲麻辣汤汁🤤𠮶个招牌麻辣大波波鱼蛋好正，啖啖肉，弹牙爽口，唔使去长洲都食得到。仲有老板娘好贴心嘅🥰就系一坐低即刻放低咗两杯罗汉果茶俾我哋，大热天时饮番杯，然后再叹水煮牛，正呀。