陳儀興尚潮樓 (英皇道)

营业中

休息中

个日同朋友去左喺鲗鱼涌英皇道嘅陈仪兴尚潮楼，系一间以潮州菜为主打嘅餐厅，上到去成个氛围俾人一种温馨嘅家庭感觉。呢度嘅菜色多元丰富，抵食又高质。我地叫左个例牌鹅片$188，每一片鹅肉都鲜嫩多汁，入口即化，鹅皮油脂丰富。鹅肠$168，卤汁卤得好入味，口感好Q弹。荔芋香酥鹅$168，外酥内软，荔芋嘅香甜同鹅肉嘅鲜美完美融合。潮式胡椒咸菜浸台山蚝$268，蚝肉鲜嫩，搭配潮州特有嘅胡椒咸菜，味道独特，台山蚝粒粒都涨卜卜，我既至爱。肚肉苦瓜煲$128，煲汤浓郁，肚肉入口即化，苦瓜嘅清香中和咗肚肉嘅油腻，美味可口。榄菜肉碎炒饭$118，炒饭香气四溢，榄菜同肉碎嘅搭配，令人胃口大开。除咗美味嘅菜品，陈仪兴尚潮楼嘅环境亦系一大亮点。餐厅装修简约大方，温馨舒适。侍应姐姐热情周到，笑容满面，总括嚟讲，陈仪兴尚潮楼唔单止提供美味嘅潮州菜肴，仲营造出舒适温馨嘅用餐环境。