影片
更多
2021-03-23
2641 浏览
向来好钟意日本嘅我，只有东北同北海道系未去过，久仰北海道嘅汤咖喱，但一直都冇机会试到，原来系我成日活动嘅鲗鱼涌，有一间有日本人开嘅日本菜，正正主打北海道汤咖喱，我会知呢间餐厅系因为KIKI&MAY，而且我钟意既香港日本艺人Soko都帮衬过，成日系鲗鱼涌食野但竟然唔知呢间餐厅，甚至多次行过去食第间日本野，我真系自愧不如。老细唔系北海道人，而系名古屋人，但佢讲得一口流利嘅广东话，当然会有口音，但系以我来讲系听得明佢九成既内容，食之前事前知老细系日本人，落单闲谈之间听到有一个人有啲口音所以就知𠮶个系老细，好记得佢既口音会将客人讲左做黑人。因为我身边正正有个日本人朋友，佢同我朋友倾得好开心之余，仲同我哋倾咗好耐计，原来佢已经学咗广东话七年，倾倾吓佢就攞咗佢学广东话嘅书，除咗以前上堂佢仲有一堆书，有广东话嘅入门，有本系从香港经典电影学广东话对白嘅书，可见佢真系好钟意香港文化同埋广东话，佢打开本书问我有无睇过阿飞正传，又话睇周星驰电影学到好多广东话，更甚可以背到《无间道2》入面黄秋生饰演既黄sir对白「杀人放火金腰带，修桥补路无尸骸」，比起好多人佢更加钟意香港，更加似系香港人。点解老细会喺香港开间
向来好钟意日本嘅我，只有东北同北海道系未去过，久仰北海道嘅汤咖喱，但一直都冇机会试到，原来系我成日活动嘅鲗鱼涌，有一间有日本人开嘅日本菜，正正主打北海道汤咖喱，我会知呢间餐厅系因为KIKI&MAY，而且我钟意既香港日本艺人Soko都帮衬过，成日系鲗鱼涌食野但竟然唔知呢间餐厅，甚至多次行过去食第间日本野，我真系自愧不如。
老细唔系北海道人，而系名古屋人，但佢讲得一口流利嘅广东话，当然会有口音，但系以我来讲系听得明佢九成既内容，食之前事前知老细系日本人，落单闲谈之间听到有一个人有啲口音所以就知𠮶个系老细，好记得佢既口音会将客人讲左做黑人。因为我身边正正有个日本人朋友，佢同我朋友倾得好开心之余，仲同我哋倾咗好耐计，原来佢已经学咗广东话七年，倾倾吓佢就攞咗佢学广东话嘅书，除咗以前上堂佢仲有一堆书，有广东话嘅入门，有本系从香港经典电影学广东话对白嘅书，可见佢真系好钟意香港文化同埋广东话，佢打开本书问我有无睇过阿飞正传，又话睇周星驰电影学到好多广东话，更甚可以背到《无间道2》入面黄秋生饰演既黄sir对白「杀人放火金腰带，修桥补路无尸骸」，比起好多人佢更加钟意香港，更加似系香港人。
点解老细会喺香港开间咁嘅餐厅？其实老细最钟意嘅地方系北海道，十几年前同前妻回乡去北海道之后，就钟意左好大自然既北海道大自然气息，无论人同野食都同日本其他地方唔同，一去爱上。甚至辞左份工去了解多D北海道，一个人渣住车，用左四个月时间，去过晒北海道嘅所有179个城市、町、村去过晒，仲系餐厅整左一幅好大嘅手绘墙，系一个北海道嘅地图，会见都唔同城市同景点，将佢去过嘅地方画咗系间餐厅上面，仲有一D景点既相，见佢咁钟意去北海道我就问佢最钟意北海道边一个地方，佢就系书柜攞咗个日本旅游嘅单张，原来系宗谷地区，即系北海道最北面，佢话好钟意利尻岛，可以行山，而且海鲜好好食，之后仲送咗个单张俾我，佢已经做埋推广北海道嘅大使。系去完北海道之后，被日本公司派驻黎香港工作，之后就爱上左香港。虽然佢好钟意北海道，但同时都好钟意香港，所以佢辞左系香港待遇优厚既正职，喺香港(正确黎讲系系屋企附近)开一间北海道主题嘅餐厅，佢话屋企行过黎铺头只系3、4分钟距离，所以呢度有北海道最出名嘅汤咖喱食。
讲返呢度既野食，汤咖喱系北海道札幌嘅名物，喺札幌就有近二百多间嘅餐厅卖汤咖喱，老细系喺2017年1月开呢间铺，其实开店头一年系冇所谓嘅汤咖喱，因为当时揾嘅厨师做唔到佢满意嘅汤咖喱，之后嚟咗三个厨师终于做到佢满意嘅汤咖喱，先开始主打呢样札幌名物，听佢讲呢四年系好辛苦，曾经系2019年系生意最好嘅一年，但因为上年疫情之后生意就变差，就算而家生意都唔系话好好，因为好多公司都wfh，少咗人嚟食，而且因为午市同晚市嘅Menu系一样，所以午市喺附近返工啲人，晚市就唔会黎食。但佢同时庆幸呢度系鲗鱼涌，租金已经比起黄金地区既铜锣湾、尖沙咀平好多，而且鲗鱼涌呢个系一个旺中带静既小区，每日忙完午市会去附近买凉茶饮下，同街坊倾下计。系呢个疫情期间，呢D咁有特色既香港小店好值得支持同守护。
随左main menu，另一个餐牌见到呢度有得饮好多酒，好似Sapporo嘅生啤(大家平时饮嘅Sapporo中文就系解札幌)、日本酒等，酒都系要另外叫，跟餐嘅嘢饮入边冇酒提供。
-
前菜 （👅: 8/10）
前菜
9 浏览
1 赞好
0 留言
大概落咗单5、6分钟之后嘢食就到，套餐会包前菜、饭同野饮，前菜系一个薯仔沙律同鸡汤。
冰冻既薯仔，夹杂住D蛋碎，用咗自家制酱汁，入口即溶，而且几香甜，口感幼滑好似食紧咁雪糕。
鸡汤暖暖，入口系清甜带鸡味，唔系饮紧味精，所以饮完好舒服唔会口渴，系出色既前菜。
-
1️⃣ 鸡髀北海道汤咖哩套餐 💰118（👅: 9/10）
＋aside Masara💰5 ＋ 芝士 💰10
汤咖喱饭套餐有得拣主𩠌，分别有鸡髀、豚肉、炸鱼柳、杂菜、虾同牛舌，我四个人分别叫左鸡髀、豚肉同杂菜，当中鸡髀系最人气，我去到餐厅个时大约系平日夜晚8点4，原本落左两个鸡髀，落完单佢话鸡髀已经得返一个，另一个要转，可见鸡髀系最多人叫。
餐厅有块黑板，会记录北海道札幌每日温度几多度，而且会教大家点样食汤咖喱既方法。食汤咖喱嘅步骤，第一步系首先饮一啖汤，第二就系用都羹饭点落啲咖喱汤度，浸一浸再食，第三就系将所有饭倒落个咖哩汤入面食，食法就好似泡饭咁，有详尽既食法，好似学习紧北海道既文化咁。
唔同𩠌嘅汤咖喱，佢个汤同佢啲配料都一样，汤嘅配料有西兰花、茄子、莲藕、南瓜、萝卜、薯仔、洋葱、秋葵同鸡蛋。
asiri Masara
$5
16 浏览
1 赞好
0 留言
同传统喺札幌嘅食法有啲唔同，汤咖喱都有得加辣度，有两种，一种系超级辣「death pepper」，而另一种系加咗辣度同香料「asiri Masara」，因为我唔想食太辣所以拣咗第二种。都系要比钱，价钱都系$5。而札幌系免费加辣，但老细之后都有攞一樽辣椒粉俾我哋，但𠮶樽辣椒粉就冇咁辣，啱啲食唔到辣嘅人。叫左「asiri Masara」佢系分开上，可以自己调教辣度，一次过落哂其实系几辣下，建议食得小小辣既落小小试下先。
鸡髀北海道汤咖哩套餐
$118
21 浏览
1 赞好
0 留言
呢个汤咖喱嘅汤味道比较淡，可能因为汤底系用鸡、鲣鱼、昆布去熬煮，如果食得辣嘅人我建议加辣粉，本身个汤系好香蕃茄味，比较唔似咖喱汤，入口甘甜，清香唔辣，唔会觉得系食紧味精，完全冇油腻感好健康咁，仲唔会有食完令人口渴嘅味精感添，𩠌料拣咗鸡髀，焖到好腍，轻轻一夹已经骨肉分离，顺带一题呢度啲饭系用北海道米，饭香重兼粒粒分明，但加咗辣粉就似咖喱嘅蕃茄辣汤。汤咖喱其实系一种冇用到面粉嘅咖喱，对比起其他咖喱，佢质地会冇咁浓稠，个汤会有啲似食拉面嘅汤底。我冇去过北海道，不过听人食过话味道系同札幌食到既好似。
除咗佢个汤好饮之外，佢系蔬菜系非常之鲜甜，睇落系好新鲜，唔会见到啲梅左或者黑色嘅蔬菜，而且我系未试过食野佢配料嘅蔬菜，系好食到我会食晒，唔知系煮法令到佢好食定系食材系黎似日本，会食到西兰花唔系白恰，而系好似有调味过定煎过，薯仔食落非常之腍，而茄子好似吸晒咖喱汤啲油嘅精华，边食边好似饮紧汤咁，莲藕虽然浸左汤但依然食到小小脆既口感，洋葱我朋友一向唔食，但佢竟然今次会食哂，佢话呢度既洋葱无苦味，甚至系食到甜味。
主角既鸡髀份量非常之大，用汤咖喱熬到鸡髀已经入哂味，而且鸡髀焖到好腍，无用力一夹已经骨肉分离，非常容易进食，入口肉质系非常嫩滑。
芝士
$10
19 浏览
1 赞好
0 留言
饭嘅份量会比较少，但特别嘅系可以加$10加芝士，喺札幌汤咖喱有好多种食法，有啲餐厅甚至会加柠檬喺个饭隔离，而依间就冇。饭系用北海道米，饭香味重，粒粒分明，而札幌既食法都系有得加芝士，所以我都加左，呢啲芝士食落唔系廉价芝士，而系靓既芝士，甚至有人话比札幌个啲更好，芝士上面有小小既焦，所以香味更出，建议要快啲食，因为好快就冻哂，而且芝士同饭已经痴埋一旧融为一体，饭系好食，加埋咖喱汤更加好食，系日本嘅味道。
虽然成个套餐加埋辣、芝士价钱系大概130，但我觉得价钱系值，出面食个贵啲既拉面都要呢个价钱，香港可能只系贵北海道小小，食到日本既味道，已经系超值。
-
2️⃣ 豚肉北海道汤咖哩套餐 💰118（👅: 8.5/10）
豚肉北海道汤咖哩套餐
$118
10 浏览
1 赞好
0 留言
＋aside Masara💰5
唔同𩠌嘅汤咖喱，佢个汤同佢啲配料都一样，所以我就唔要重覆介绍。
豚肉食落似平时打边炉既猪肉片，似系日本豚肉，比较薄身，份量唔算多，甚至觉得蔬菜会更出色过豚肉，可能因为蔬菜真系太好食，不留余力咁食哂所有蔬菜。
-
3️⃣ 杂菜北海道汤咖哩套餐 💰108（👅: 8.5/10）
杂菜北海道汤咖哩套餐
$108
9 浏览
1 赞好
0 留言
本身个汤咖哩已经有好多蔬菜，呢个同前几个既分别系会多左菇、小栗米，感觉系更加专心食佢地好鲜甜既蔬菜。
味道唔差太多，所以试哂三个觉得鸡脾系最出色，如果食汤咖哩，最推介系叫鸡，如果未卖哂既话。
-
4️⃣ 烧牛舌 💰80 (一份)（👅: 8/10）
烧牛舌
$80
8 浏览
1 赞好
0 留言
大部份嘅小食都有得拣一份或者半份，因为我四个人，所以就叫左一份。
随左汤咖哩仲叫左两款小食，第一款就系烧牛舌。
牛舌有四五块，烧得入味，食落够腍，不过比较薄身，个人钟意厚D满足感大D，但呢块已经有足够牛味。
-
5️⃣ 南瓜薯饼 💰60 (一份)（👅: 8/10）
南瓜薯饼
$60
12 浏览
1 赞好
0 留言
另一款小食叫左北海道南瓜薯饼，即叫即炸，炸衣好酥脆好薄身，内馅系非常丰满既南瓜蓉，非常之creamy，而且系见唔到加左任何杂质、面粉之类，所以一食系食到好重南瓜味同南瓜带来既鲜甜味，好似食紧天然甜品咁，系唔需要点任何酱汁已经好好食。
-
6️⃣ Mango Passion Fruit Tea 💰+20（👅: 7.5/10）
Mango Passion Fruit Tea
$20
5 浏览
1 赞好
0 留言
饮落系比较普通既芒果热情果茶，加20蚊但感觉无特别好好饮，唔驶加钱既水果味茶已经好足够，最可惜无得加钱转酒。
-
🌟味道黎讲系日本既味道，未去到日本旅行确实可以止下瘾，价钱大概百几，但百几食到满足既日本野确实不为过。石狩锅三文鱼杂菜汤套餐、扬出豆腐、左口鱼西京烧都系人气之选，今次未有机会食到下次会再试，都好值得再试，仲有一个好特别既叫成吉思汗煲，但佢唔系成吉思汗烧牛肉，而系炒羊肉，都系好特色既美食。
呢度既环境，甚至系餐具刻有北海道城市既名，成间餐厅都系充满北海道既气氛，老细仲要有时戴住札幌既帽。老细既亲切程度令到我好想再去帮衬，佢既热情系非常真诚，边倾边罗啲北海道单张，学广东话既书比我地睇，睇得出一讲起北海道佢就好似开左turbo咁，我都有分享去过佢既家乡名古屋，比左啲相佢睇，佢一下答到呢间鳗鱼饭系边间餐厅，其实佢已经有两年无返过日本，佢话都想去下其他地方，九洲、四国都未去过，不过真系太钟意北海道只可以去北海道。
老细话当时kiki&may拍摄𠮶时唔知佢哋喺出名既YouTuber，系店员见到佢哋拍野，同佢讲佢先知道，之后呢条片出咗之后好多人特登去叫条片介绍过嘅嘢食，好似芝士饭，鸡髀汤咖喱等等，本身依啲嘢食都系老细好推介。可能有见午市食客晚市无再黎，老细话四月将会有新Menu，午市嘅餐单不变，晚市同埋周末餐单会取消set Menu，即系应该唔会有汤咖喱，反而会推出一啲地道北海道菜式，将大家钟意嘅日本味道带比大家，如果想食汤咖喱，三月嘅午市同晚市都可以食到，但四月就只有平日午市。老细话怕睇到呢条片嘅人去到餐厅𠮶时冇得食汤咖喱会失望，所以佢都有喺Channel下边留言澄清四月转Menu一事，并希望我哋like 佢comment等多啲人睇到。
系黎之前有睇过资料餐厅系由一对夫妇经营，个晚见唔到佢老婆只系见到佢，闲谈间原来佢同老婆因为人生目标唔同分开左，即使分开左但因为好钟意香港，所以会坚持梦想，保留呢间餐厅，开一间咁样既餐厅，为北海道人作出贡献，唔只系想开一间餐厅咁简单，而系想成为一个桥梁，令香港人更加认识北海道，就系因为呢个推庆北海道既心，远比每日开心咁做野每日开心咁活更强，所以同太太分道扬镳。呢家佢都想揾个新既伴侣，有建议过佢不如系个块黑板上面写征女友，佢笑言其实工作太忙都无时间揾，话香港人定日本人佢都可以，系度我可以顺手帮佢征下女友，如果你好钟意北海道同香港，相信你地会非常之投契。
卖单之后同老细倾完一轮，佢再次好多谢我哋嚟帮衬，都好多谢kiki&may介绍佢间餐厅，希望之后会佢餐厅会客似云来，一间咁好食又咁有人情味既日本菜餐厅，一个咁钟意香港，系度落地生根推广北海道既人，而且用笑容支持呢家既香港人，应该要继续札根系鲗鱼涌呢一个小区。
-
👅味道: 9/10
🍴环境: 8/10
💰消费: $178人均 (服务费: 10%)
张贴
