影片
更多
2021-06-17
298 浏览
以前喺湾仔住，经常会去光顾位于谢斐道𠮶间「快乐茶餐厅」，尤其喜爱店里嘅炸髀饭，价钱经济又实惠，绝对是湾仔上班族嘅不二之选。不过自从搬家后，已很久没到访，其后更听说餐厅已结业。早前去海光街附近揾食，发现「快乐」原来已经重整旗鼓，喺海堤街开咗间新舖，所以即刻 bookmark 咗， 趁今日有空档，专登过嚟帮衬。原来店铺颇为狭小，以外卖为主，没有堂食座位，不过门口亦有少量地方可供客人即场食用。生炸鸡髀系「快乐」嘅招牌作，一场嚟到，当然唔可以错过，一人一只唔洗争，另外仲点咗个吉列鱼柳鸡扒香肠饭。睇下两只鸡髀炸得几靓仔，色泽金黄，够晒油润，而且 Size 好巨形，接近手掌大，拿上手时仲见到外皮有小量油泡，重而烫手，既吸睛又邪恶。鸡皮脆口又唔油腻，肉味好浓郁，肉多而极厚，咬下啖啖肉，肉汁亦很丰富。午餐跟一碗老火汤，是日靓汤为眉豆花生鸡脚汤，睇下几足料，鸡脚煲得好腍，汤水味道亦很清甜，饮得出无落味精，而且一碗嘅份量都几多，够晒两个人分享。饭有几种汁料可供选择：洋葱汁、咖喱汁、黑椒汁、粟米汁和豉油汁。洋葱汁味道香甜，且浓稠适中。吉列鱼柳外皮十分酥脆，皮够薄，唔会食到满口粉浆，诚意可加！鸡扒水准亦不俗，
不过自从搬家后，已很久没到访，其后更听说餐厅已结业。早前去海光街附近揾食，发现「快乐」原来已经重整旗鼓，喺海堤街开咗间新舖，所以即刻 bookmark 咗， 趁今日有空档，专登过嚟帮衬。
原来店铺颇为狭小，以外卖为主，没有堂食座位，不过门口亦有少量地方可供客人即场食用。
生炸鸡髀系「快乐」嘅招牌作，一场嚟到，当然唔可以错过，一人一只唔洗争，另外仲点咗个吉列鱼柳鸡扒香肠饭。
睇下两只鸡髀炸得几靓仔，色泽金黄，够晒油润，而且 Size 好巨形，接近手掌大，拿上手时仲见到外皮有小量油泡，重而烫手，既吸睛又邪恶。鸡皮脆口又唔油腻，肉味好浓郁，肉多而极厚，咬下啖啖肉，肉汁亦很丰富。
午餐跟一碗老火汤，是日靓汤为眉豆花生鸡脚汤，睇下几足料，鸡脚煲得好腍，汤水味道亦很清甜，饮得出无落味精，而且一碗嘅份量都几多，够晒两个人分享。
饭有几种汁料可供选择：洋葱汁、咖喱汁、黑椒汁、粟米汁和豉油汁。洋葱汁味道香甜，且浓稠适中。吉列鱼柳外皮十分酥脆，皮够薄，唔会食到满口粉浆，诚意可加！鸡扒水准亦不俗，大块又 Juicy，而且腌得相当入味，加埋条厨师肠同椰菜，份量十足，真心抵食。
张贴
