凱富菜館 (已結業)

某天晚上跟几位朋友一齐黎到鲗鱼涌黎食潮州打冷，位置舒适，有卡位，餐厅门面及内部都好有怀旧打冷铺既特色仲有一幅好靓好长既风景画，我地叫左店员推介既卤水鹅片，鹅片仲有卤水豆腐底都几好味同大碟。仲叫左碟炸双枣，有虾枣同蟹枣两款。即叫即整热辣辣。仲有菠萝伴碟唔怕太油腻。之后再叫左个炸蚝饼，新鲜热辣，大大碟，貌相好靓，而且好多蚝仔，好足料。大大碗足料潮州特色蚝仔粥，蚝仔都几多同厚肉，新鲜，仲有冬菇，冬菜，芫茜，肉碎好多料，味道唔错。反沙芋头做法复杂，而呢度既反沙芋头整得岩岩好唔会太甜，芋头好粉好入味，推介。仲有唔少得糖醋面，酸酸甜甜，炸得金黄色又唔会太㶶，岩岩好。个人最钟意系佢既反沙芋头。