迷湯肉骨茶專門店

营业中

休息中

我觉得呢间餐厅系我暂时香港食肉骨茶最好味嘅地方。原因系食得出用新鲜猪肉，唔系雪猪肉，唔驶解冻又唔驶腌，肉味好好仲要有肉骨茶个种药味。而肉骨茶都真系好好味，系超足料嘅马来西亚药材风格肉骨茶。其实我两年前食完佢肉骨茶已经好满足，当时我忍不住赞老板食物好好味，希望继续努力。今日同佢讲番转眼就2年无见，佢头发白左，我肥左，倾下呢两年附近餐厅d情况，又倾下外卖app，又倾下佢嘅经营经历。好开心佢仲坚持初衷，每日都亲自去拣新鲜猪肉，唔搞扩充经营，专心每日只做4小时精品食物。不过有样野我都食唔出，原来佢嘅肉骨茶系无落盐同味精，纯猪肉味加好多种药材烹调而成，所以味道先咁独特。总之我好欣赏佢嘅食物，虽然系卖70蚊，但真材实料，好值得推荐。对我黎讲，做任何事情，只要用心去做，点都唔会太差。最好笑系，呢间小店只有约10个位，净系做星期一二三五的12：00至4：00，星期四5：00至9：00。真系好霸气，希望可以继续霸气地煮好食物下去啦。