影片
更多
2023-12-12
489 浏览
鲗鱼涌太古坊一带一向多咖啡店，今日同咖啡朋友去揾食。今日我哋无揾定餐厅，谂住去海光街附近一路行一路揾，无意中俾我哋发现到哩间咖啡店，好似系新开。闻到咖啡好香，见到又有位坐，就入去试下。咖啡店唔大，只有2张枱。旁边有一幅打卡墙。堂食的话，可以先入座。店员好有礼貌，帮我哋斟水，又帮手拉开枱櫈，空间多啲，我哋坐得舒服啲。有机沙律配慢煮鸡胸肉 ($88)Salad with Slow Cooked Chicken Breasts沙律酱有4款：凯撒沙律酱、黑松露酱、蜜糖芥末酱同烧烤酱。酱汁可以拣一齐上，或者分开上。我哋拣咗酱汁分上，食几多落几多。就咁睇落去个鸡胸肉好似好清，无味，但系食落几juice，肉质好嫩。沙律份量唔算好大，当light lunch岩岩好。慢煮鸡胸肉配烧烤酱面包 ($68)Slow Cooked Chicken Breasts Ciabatta哩个慢煮鸡胸肉同沙律嘅慢煮鸡胸肉一样，但加咗烧烤酱，所以好惹味😋😋三文治爆馅，除咗鸡胸肉，仲有沙律菜。个酱惹味得黎又唔会好浓，岩岩好。好怕啲好浓味嘅酱汁，食完个口成日都有𠮶阵味。London Fog Latte ($45)Earl gr
今日我哋无揾定餐厅，谂住去海光街附近一路行一路揾，无意中俾我哋发现到哩间咖啡店，好似系新开。
闻到咖啡好香，见到又有位坐，就入去试下。
咖啡店唔大，只有2张枱。旁边有一幅打卡墙。
堂食的话，可以先入座。
店员好有礼貌，帮我哋斟水，又帮手拉开枱櫈，空间多啲，我哋坐得舒服啲。
有机沙律配慢煮鸡胸肉 ($88)
Salad with Slow Cooked Chicken Breasts
沙律酱有4款：凯撒沙律酱、黑松露酱、蜜糖芥末酱同烧烤酱。
酱汁可以拣一齐上，或者分开上。
我哋拣咗酱汁分上，食几多落几多。
就咁睇落去个鸡胸肉好似好清，无味，但系食落几juice，肉质好嫩。
沙律份量唔算好大，当light lunch岩岩好。
慢煮鸡胸肉配烧烤酱面包 ($68)
Slow Cooked Chicken Breasts Ciabatta
哩个慢煮鸡胸肉同沙律嘅慢煮鸡胸肉一样，但加咗烧烤酱，所以好惹味😋😋
三文治爆馅，除咗鸡胸肉，仲有沙律菜。
个酱惹味得黎又唔会好浓，岩岩好。
好怕啲好浓味嘅酱汁，食完个口成日都有𠮶阵味。
London Fog Latte ($45)
Earl grey latte
朝早已经饮咗咖啡，晏昼要忍下口，叫咗杯无咖啡嘅 earl grey latte。
个奶好滑，下次一定要试埋个咖啡☕️
张贴
