幸圓

营业中

休息中

今日去咗朋友鲗鱼涌公司楼下嘅幸圆 cafe，见佢装修同食物都好靓，好适合打卡。一坐低就叫咗杯邪恶嘅Belgian chocolate，每啖都有浓浓嘅朱古力味，仲可以捞埋cream饮，上面做装饰嘅有一块半溶嘅朱古力，同样系高质嘅朱古力。我哋叫咗牛油果粒蟹柳蟹子同青瓜丝沙律做前菜，好适合呢种天气消暑。朋友叫咗蒲烧鳗鱼饭定食，有沙律、味噌汤同渍物，非常丰富。我就叫咗黄金蟹肉窝笋忌廉蟹子扁意粉，蛋黄酱又惹味又creamy，每啖意粉都食到浓沃嘅蟹肉味，同时有杏仁粒同蟹子令口感更加独特，餐厅亦加咗蕃茄干同芦笋，带出清新嘅感觉，令意粉唔会太油腻。有啲肚饿，我哋仲share咗慢煮红酒油封鸭腿配自家制杂莓汁，油封鸭非常高质，有好似烟鸭胸嘅香浓嘅鸭味，鸭皮就少少脆，好配合甜甜酸酸嘅杂莓汁，配菜仲有薯蓉薯菜，食到饱饱。最后叫咗宇治金时巴菲做甜品，净系造型已经攞晒分，香浓嘅绿茶味配合蕨饼、雪糕、cream、红豆同黑糖浆，全部捞埋一齐食或者分开食可以试到唔同层次嘅口感同味道。