凱富菜館 (已結業)

今日放工谂住早早地食埋饭先返屋企。行行下，见到呢间潮洲饭店好耐无食，于是入去帮衬下先😝由于之前食开，知道碟头都较大，所以人少少，只系叫左2𩠌1主食一坐底会先上一碟配菜，通常系淹酸菜或者煮花生，今日系卤豆腐配肉碎😋食潮洲野又点少得卤水食物？卤水拼盘：鹅片+猪耳，附送豆腐。鹅片好嫩、好juice，肥瘦适中，而且味道刚好-入味而唔咸，好香。猪耳：好弹牙、爽口，而且肉都几多。不知不觉食左好多骨胶原落肚，但又唔会觉得油同肥😆😆水瓜烙：做得好出色，两边都煎得好香脆，内里水瓜好多，食落好juice，湿润同香脆嘅口感同时并存啊，厉害👍🏻糖醋双面黄：其实我第一次食，不过几好味。我发现面原来面简简单单咁唔用肉煮都可以咁好食😲可能因为系面食，所以食完好饱😅