影片
更多
2022-09-09
188 浏览
嚟到鲗鱼涌揾食，见到OpenRice话呢间台湾嘢都几好食佢喺个商场入边嘅位置都几隐蔽，唔系好容易揾，食落都有惊喜算几好食㖞！🍴 牛四宝面（牛腩/牛腱/牛肚/牛丸) $88 (8/10)超级足料，个面非常大个！汤底比较偏咸味，冇台湾红烧牛肉面𠮶啲香味啊甜味，个人觉得有少少似卤水汁？个面系扁面，煮到非常之淋，太淋冇乜口感😂每样材料都分别有两件，牛腩大大嚿煮到非常之淋，好易咬开又有牛味，牛腱都系好淋身，比较多骨胶原少少，牛肚就比较有口感，呢三样嘢都卤到好入味，牛丸系好浓牛肉味道，又够弹牙多汁，好好食！真心除咗个面同汤底还好之外个配料系真系好好食！钟意食牛嘅人一定要试吓呢个牛肉面！🍴 卤水猪耳 +$19 (8/10)卤到非常入味，猪耳嘅皮系软身嘅，软骨都好爽口，好好食！🍴卤水大肠 +$19 (9/10)大肠都系卤到好入味，非常淋身，唔肥又冇异味，超级好食😋推荐指数: 8/10真心呢间台湾嘅价钱又唔贵，食物真系有质素，唔怪得lunch time咁多人呀！朋友食嘅卤肉饭盐酥鸡都好好食！下次都会再试吓个lunch，美中不足嘅系竟然冇台式奶茶饮🥹🥹我推荐俾大家！
嚟到鲗鱼涌揾食，见到OpenRice话呢间台湾嘢都几好食佢喺个商场入边嘅位置都几隐蔽，唔系好容易揾，食落都有惊喜算几好食㖞！
🍴 牛四宝面（牛腩/牛腱/牛肚/牛丸) $88 (8/10)
超级足料，个面非常大个！汤底比较偏咸味，冇台湾红烧牛肉面𠮶啲香味啊甜味，个人觉得有少少似卤水汁？个面系扁面，煮到非常之淋，太淋冇乜口感😂每样材料都分别有两件，牛腩大大嚿煮到非常之淋，好易咬开又有牛味，牛腱都系好淋身，比较多骨胶原少少，牛肚就比较有口感，呢三样嘢都卤到好入味，牛丸系好浓牛肉味道，又够弹牙多汁，好好食！真心除咗个面同汤底还好之外个配料系真系好好食！钟意食牛嘅人一定要试吓呢个牛肉面！
🍴 卤水猪耳 +$19 (8/10)
卤到非常入味，猪耳嘅皮系软身嘅，软骨都好爽口，好好食！
🍴卤水大肠 +$19 (9/10)
大肠都系卤到好入味，非常淋身，唔肥又冇异味，超级好食😋
推荐指数: 8/10
真心呢间台湾嘅价钱又唔贵，食物真系有质素，唔怪得lunch time咁多人呀！朋友食嘅卤肉饭盐酥鸡都好好食！下次都会再试吓个lunch，美中不足嘅系竟然冇台式奶茶饮🥹🥹我推荐俾大家！
张贴
