影片
更多
2022-06-08
652 浏览
见到呢间叻沙中午都好多人排队食，68-78一个餐包埋嘢饮都ok，入去食完觉得几好食，超级饱肚😋🍴 巴东牛肉 参峇鱿鱼 油面 米粉 $78 (8/10)好大碗，𩠌同面嘅份量好多，有半只蛋，芽菜，通菜，三旧豆卜，4-5旧鱿鱼同牛肉。叻沙好香浓，有少少椰香，一啲都唔辣，唔咸，好重海鲜味，似用咗好多海鲜壳去煲咁，好香好好饮。油面幼身少少，软硬适中，弹牙嘅，米粉劲吸汁，比较淋身，牛肉煮到好淋，比较烂嘅状态，唔洗咬就已经散咗，唔会痴牙，好似劲淋嘅牛腩咁，一样劲吸汁！鱿鱼比较细条，爽口嘅，最钟意系个豆卜吸晒味又淋，劲好食！食完劲饱劲满足🍴 沙爹 3串猪＋3串鸡 $62 (6/10)差啲分唔到边啲系猪同鸡，一样用香料腌制，沙爹酱偏甜都香口，肉烧得香口嘅，但鸡肉同猪肉嘅肉质比较扎实同干身，真心干同少少鞋口。猪肉比鸡肉爽口少少，鸡食到一丝丝肉质，串烧劲细串，一只女仔手指长度都冇，得三小粒🫠$62六串都比较贵，$10得三粒肉粒，比大粒冇咁嬲，唔推荐叫串烧。🍴 黑糖冬瓜茶 跟餐送是日饮品 (7/10)甜甜哋，都重黑糖味，正常！推荐指数: 8/10真心推荐食叻沙，好香浓好食又饱肚，串烧就一般了，CP做唔高。会再
🍴 巴东牛肉 参峇鱿鱼 油面 米粉 $78 (8/10)
好大碗，𩠌同面嘅份量好多，有半只蛋，芽菜，通菜，三旧豆卜，4-5旧鱿鱼同牛肉。叻沙好香浓，有少少椰香，一啲都唔辣，唔咸，好重海鲜味，似用咗好多海鲜壳去煲咁，好香好好饮。油面幼身少少，软硬适中，弹牙嘅，米粉劲吸汁，比较淋身，牛肉煮到好淋，比较烂嘅状态，唔洗咬就已经散咗，唔会痴牙，好似劲淋嘅牛腩咁，一样劲吸汁！鱿鱼比较细条，爽口嘅，最钟意系个豆卜吸晒味又淋，劲好食！食完劲饱劲满足
🍴 沙爹 3串猪＋3串鸡 $62 (6/10)
差啲分唔到边啲系猪同鸡，一样用香料腌制，沙爹酱偏甜都香口，肉烧得香口嘅，但鸡肉同猪肉嘅肉质比较扎实同干身，真心干同少少鞋口。猪肉比鸡肉爽口少少，鸡食到一丝丝肉质，串烧劲细串，一只女仔手指长度都冇，得三小粒🫠$62六串都比较贵，$10得三粒肉粒，比大粒冇咁嬲，唔推荐叫串烧。
🍴 黑糖冬瓜茶 跟餐送是日饮品 (7/10)
甜甜哋，都重黑糖味，正常！
推荐指数: 8/10
真心推荐食叻沙，好香浓好食又饱肚，串烧就一般了，CP做唔高。会再去食叻沙的！
张贴
