Villa Villa Burger (已結業)

公司好多嘢做，同事们都要ot，大家喺度谂紧晚餐食咩嘅时候， 同事就建议食呢间嘅汉堡，话试过好好食，第一次帮衬呢间汉堡包专门店，铺头唔算好大间，但系以汉堡包专门店嚟讲，餐牌都已经有好多选择，睇佢啲海报嘅介绍，呢间舖头系用自家制墨鱼汁，每日新鲜制造汉堡包，几吸引，我哋几个决定外卖汉堡包返公司share食，咁就可以一次过食到几款口味，手打虾饼汉堡 - $78手打虾饼超大块，又够厚身，入口弹牙，味道系泰式海鲜汁，加甜辣酱，超惹味，而且不会过咸，鲷鱼柳汉堡 - $68鲷鱼柳同样足料，而且外脆内嫰，鱼柳够滑，酱汁系塔塔酱，同鲷鱼柳好夹，牛油生菜亦新鲜翠绿，西柠鸡堡 - $68鸡件非常juicy有肉汁，内里的鸡肉滑嫰，又够大块，连番茄都系新鲜厚切，总结：铺仔细细，专门做汉堡包，质素非常唔错，而且仲会用自家制嘅墨鱼汁每日新鲜制造汉堡包，口感特别松软，汉堡包的馅料新鲜，足料又丰富，性价比高，同事当咗系饭堂，成日买返公司食。