紅館 (海堤街)

营业中

休息中

出左鰂魚涌接家姐收工，去左撐枱腳。家姐介紹左間餐廳環境普通，但蘊藏住超有鑊氣既大排檔小炒，尤其係佢地既原煲煲仔菜。店內每日晚上6-9堂食，仲有免費可享一小杯中國白酒添，可惜我同家姐都錯過左時間。 ⦁招牌酸菜魚有得揀魚片/龍脷柳，我地揀左左龍脷柳。用瓦煲煮，有街邊煲仔大排檔既feel，上菜果陣仲要bo..bo..bo咁滾，感覺好正。一定要提就係，酸菜好多，魚柳又滑，湯底夠濃，份量十足！ ⦁鑊氣豉椒炒蜆蜆又大又多，用豆豉同三色椒爆炒，夠晒鑊氣同惹味，三色椒脆身爽口，送飯一流。 ⦁四川椒麻雞半隻超多蔥花、薑蓉、芝麻。雖然係半隻雞，但都好多肉。唔太油膩。✨所有餸都可以自定辣度，怕辣既朋友仔都可以試下。