宏 (已結業)

同朋友去打保龄球先知道原来黄埔有新野食，系九号水产入面有好多高质日式餐厅。想食甜品又想食饭，所以就决定食宏啦。见到个迷你三彩丼有齐三样我想食既野，仲有甜品同饮品，真系好吸引！一个套餐有齐鳗鱼饭、吞拿鱼蓉饭同海藻乌冬，真系超满足！店员介绍可以加七味粉落乌冬，而鳗鱼就可以加少少山椒。天气太冻，所以我先食乌冬。乌冬同一般乌冬唔同，较为扁身，见到有一粒粒海藻系入面，口感扎实弹牙，味道好好，有种独特既味道。而且汤底都好正，味道清香，配埋昆布同葱花食真系一流。吞拿鱼蓉鱼生饭，吞拿鱼蓉又够肥美，入口即溶，鱼味香浓，鱼蓉同饭之间有一层碎紫菜，增加左成个饭既美味，又令人觉得吞拿鱼蓉冇咁腻，十分有心思。冬天既主角，鳗鱼饭出现了！见到咁厚切既鳗鱼已经流哂口水，而且鳗鱼散发住阵阵香味。鳗鱼十分肥美，一入口就有丰富既油腻系口中爆发，仲有鳗鱼酱汁既味道十分香浓，成个鳗鱼饭都好好食，好幸福啊！仲有甜品绿茶小卷，真系高质，味道唔会过甜，有绿茶的甘香，忌廉好香好香，蛋糕好绵密，好食。饮品都叫左抺茶红豆热饮，热饮有三层，上层系泡泡，中间系绿茶，下层系红豆，绿茶甘香奶滑，又有大大粒又甜既红豆，。