宏 (已結業)

餐厅空间感十足，设计精简，坐得好舒服。墙上挂上日本画，为食客带嚟日本风。大鳗鱼饭加乌冬 鳗鱼份量充足，肉质嫩滑，配以鳗鱼酱汁，入口即溶。 小弟对腥味好敏感，食鳗鱼最怕食到腥味，呢个鳗鱼饭感受唔到。乌冬系特制嘅海藻乌冬，线色一点点，几特别。新日本白烧鳗鱼定食如果想尝试到鳗鱼本身嘅鲜味，一定要试呢个白烧鳗鱼。因为冇用浓厚嘅鳗鱼酱汁，所以可以食到鳗鱼应有嘅味道。 定食仲配有：日本芥末酱油 、日本柚子酱油 、盐、鳗鱼酱汁，任君选择，一鱼四食。抹茶卷 ，黑芝麻卷 蛋糕松软，入口有层次。而且唔会太甜，好啱我口味。日本草莓班戟只有黄埔分店有嘅独特甜品，用上日本草莓制作而成。 班戟好松软， 弹性十足，配上雪糕同布丁，入口即感受到三种滋味互相碰撞。碟傍嘅心形伴碟，可见师傅嘅心思。抹茶红豆用上日本红豆，友人话好饮，小弟觉得略甜。日本草莓沙冰 用上日本草莓， 坊间好少见。沙冰够幼，易吸吮，微甜，好啱我。