德美壽司 (新都城中心1期) (已結業)

难得山长水远入到将军澳，唔好好hea一日对唔住自己。六点左右开始肚饿，咁啱经过新都城中心嘅德美寿司开市，记得网上风评唔错，就一于试试。寿司定食配牛肉乌冬｜沙律、味噌汤（$171）寿司总共六件，同餐牌上嘅图示有少少唔同，我呢份有帆立贝、三文鱼籽、熟花竹虾、三文鱼腩、池鱼、吞拿鱼，另外仲有两块玉子烧。每件寿司嘅肉都好鲜甜大份，很是正。牛肉乌冬嘅汤唔会太浓，略为清淡健康清甜。牛肉比得都几多，乌冬拿捏到分寸，好食。洋风鳗鱼班戟（$62）惊喜之作！本身已经好好奇到底会系点嘅料理，结果发现好正好正。班戟里面包住嘅唔单止鳗鱼，仲有牛油果同芒果。食落口首当其冲系班戟不软不硬嘅嚼感，然后系入口即散嘅芒果甜，同鳗鱼柔软嘅质感、照烧汁嘅甜，再到牛油果嘅淡泊作为收结。讲咁多，其实都系想话真系好好食好好食，超大惊喜。———————————————#德美寿司德美寿司 (将军澳)将军澳贸业路8号新都城中心1期地下99-100号舖