Coedo Taproom (Fashion Walk) (已結業)

近期武汉肺炎肆虐，个个人都home office，冇人出街食饭，周围餐厅都出现空位，见今日早放，就约friend去铜锣湾食饭，振兴经济。Coedo Taproom系知名日本啤酒品牌，啱晒我呢个酒鬼。老板好好人，俾我哋试饮唔同款嘅啤酒，先再落order。我拣咗West to East 呢款生啤，酒味道比一般啤酒强浓厚，会容易醉。前菜先来小香菇同西兰花配芝麻酱，本身我都唔系太好西兰花，但芝麻酱煮出那个香味扑鼻而来，令到西兰花好易入口。之后再来免治鸡肉软骨棒配罗勒酱同牛油果配意大利软芝士。鸡肉串煮得香口，水准稳定。牛油果同入边个芝士系完美配搭，感觉好柔软creamy。呢个烧日本年糕，出边𠮶层紫菜脆卜卜，包住个弹口嘅日本年糕，系口感极致享受。最后呢个系鳗鱼梳乎厘饭，系呢间铺头嘅招牌菜。梳乎厘嘅甜味，同鳗鱼饭嘅咸味出奇咁夹。呢个饭仲要陪个酱汁食，我执闻落去好似腥腥地，但捞落啲烦到，就提升左成碗饭嘅鲜味。呢个饭系必选，下次嚟一定要再试。