紅葉茶屋 (T.O.P This is Our Place) (已結業)

尼间日式餐厅除左有主食外，仲有甜品特色饮品。环境大而舒服。晚市6点半左右到，大约有4至5枱食客。7点开始就坐满人。叫左鳗鱼滑蛋饭($89)，海鲜四色茶渍饭($99)。鳗鱼肥美厚肉，个皮好弹牙厚身，而且细骨都冇。烧汁味唔浓，刚刚好，甜甜地。滑蛋嫩而且冇煮过熟，半生半熟，送饭一流。跟餐有个汤，胡椒味重，饮完几保最，汤入面仲有片鸡肉，清淡之选。四色茶渍饭既四色来自三文鱼，吞拿鱼，大大粒三文鱼鱼子，藻(?)。三文鱼新鲜人口甜，而且厚切后非常有口感。三文鱼鱼子既口感最得意，就好似爆爆珠，一咬d海水咸味出哂黎。茶渍饭既味有d似面豉汤，第一次食，有汤有饭一齐配，尝试下都几过瘾。2个餐都配有2款配菜，分别系南瓜，菜。南瓜非常甜，不过如果煮得硬少少会更有口感。整体，用托盘装哂所有食物，感觉好靓。份量可能对于男仔黎讲唔够食，但食物水准及选择多元化。