大姆指餐廳 (已結業)

之前行过见呢一间餐厅好似几光鲜, 就入去食左晚饭~ 环境几宽敞好大间, 而且楼底都高~ 我拣左款日式鳗鱼芙蓉蛋饭 $48, 呢碟饭黎到既时候真系差d忍唔住哗左一声, 估唔到有咁大碟丫~ 成份蛋完全覆盖住d饭~ 配料有鳗鱼, 虾仁, 火腿, 芽菜, 洋葱, 韭黄韭菜~ 虽然鳗鱼同虾仁又唔算比好多~ 但整体都已经好足料同好有诚意丫! 味道亦都唔错~ 芙蓉蛋既外皮煎得好香, 入面又唔系全熟, 仲食到d滑蛋~ 捞埋入面既豉油捞饭一齐食真系几正~不过呢度既服务就一般d啦...可能系人手唔够卦, 都要叫左一阵先有人应...