西塔老太太烤肉

营业中

休息中

今日同屋企人去咗西塔老太太𠮶度庆祝生日。我哋叫咗个四人嘅套餐，因为有鳗鱼，所以都几期待。鳗鱼嘅肉非常之厚实，我哋每人都食到两件，佢本身配咗紫苏叶同埋紫菜。我哋发觉有紫苏叶同无紫苏叶食系好似食紧两个唔同风味嘅鳗鱼，强烈建议大家都试吓有同无嘅版本。我觉得依一只紫苏叶同日本餐厅𠮶啲紫苏叶唔系好同，佢嘅味道冇咁强烈，但紫苏淡淡嘅香气配埋鳗鱼一齐食嘅时候会减轻咗烧烤嘅𠮶种油腻，我个人好钟意另外佢仲有成条鱿鱼放上去烧，帮我哋剪埋，新鲜嘅鱿鱼果然系好食，但那不只仲有少少焦香嘅口感同埋气味，超正🤭猪肉烧起嚟香而不So，而且肉质鲜嫩，我本身都好惊佢会烧到好干或者肉质好柴，但完全冇。系比较惊喜。另外我哋仲叫咗个菠萝牛肉，非常之打卡嘅一个菜式，牛肉肉质虽然唔算得上系上乘，但系都好有牛味。而且菠萝系新鲜菠萝整出嚟嘅，烧起嚟零舍好食。