影片
更多
2020-06-14
346 浏览
筲箕湾东大街有好多餐厅，朋友介绍过我去其中几间，质素都相当唔错，真系卧虎藏龙，竞争激烈，朋友又话有间食鳗鱼饭好好味道，我一向钟意食鳗鱼，咁今日又路过，就嗱嗱声入去试吓。虽然已经知道会叫鳗鱼饭，但系都攞个餐牌嚟睇睇，发觉原来呢道整嘅系鳗鱼糯米饭，仲会用个笼仔装住，咁真系非常有趣，从来未食过鳗鱼配糯米饭。5分钟左右鳗鱼糯米饭就嚟到，卖相有啲奇怪，因为蛋丝放喺鳗鱼上边，遮住咗啲鳗鱼，如果喺日本食一般唔会咁样。食一啖鳗鱼，味道普通，唔难食，冇乜鳗鱼味兼唔系好鲜味。再食一啖饭，饭淋上类似照烧汁，一样冇鳗鱼味道；总体感觉相当奇怪，鳗鱼配糯米饭，好新鲜奇特，不过唔系好夹。最大卖点系价钱，连加一只需要$86，以食鳗鱼来讲非常便宜😅
虽然已经知道会叫鳗鱼饭，但系都攞个餐牌嚟睇睇，发觉原来呢道整嘅系鳗鱼糯米饭，仲会用个笼仔装住，咁真系非常有趣，从来未食过鳗鱼配糯米饭。
5分钟左右鳗鱼糯米饭就嚟到，卖相有啲奇怪，因为蛋丝放喺鳗鱼上边，遮住咗啲鳗鱼，如果喺日本食一般唔会咁样。食一啖鳗鱼，味道普通，唔难食，冇乜鳗鱼味兼唔系好鲜味。再食一啖饭，饭淋上类似照烧汁，一样冇鳗鱼味道；总体感觉相当奇怪，鳗鱼配糯米饭，好新鲜奇特，不过唔系好夹。
最大卖点系价钱，连加一只需要$86，以食鳗鱼来讲非常便宜😅
张贴
