榮記(東成)飯店

营业中

休息中

朋友话要食鳝煲㖞，咁我以前一路都净系食开豉汁蒸鳝，就冇食过鳝煲嘅，就问佢边间有得食啦，咁佢就话自己食开呢间系湾仔鹅颈街市熟食中心嘅荣记。咁坐低左之后，正常大排档Service啦，拎咗个餐牌嚟睇睇。人数唔多，所以就叫咗三个𩠌就算数啦。第一个，就当然有我个friend好想食嘅啫啫白鳝煲啦。嗱，好认真，个份量呢就真系唔大嘅，但系味道就真系OK㖞，个猪润呢，就好爽口，应该系啱啱好熟晒唔会overcooked，个白鳝就鲜甜脆口，唔会话好淋咁，佢加咗好多葱头，个汁好浓，所以真系好香，好好食。另外有个沙姜鸡，个沙姜鸡呢，都几香，但系有d overcooked咁，同埋咸左d。福建炒饭，食物个感觉一般，不过不失，唔会话太咸，但系个饭炒得一般，有d会系一旧饭咁，唔够松。一般正常大排档水准，冇乜特别，系鳝煲好食，但价钱较贵。