北京水餃皇

营业中

休息中

夜晚同朋友去会展听歌，睇show前要医吓肚先。见到呢家水饺王好似好得，入到去仲系爆满！必叫鳝糊炒饭！出面好少北京/上海舖仲有鳝糊食，亦有试过一家系啲鳝唔够实净又无咩味。久违鳝糊嘅味道今次点都要试吓！仲有炒饭配，相当新鲜！啲鳝肥嘟嘟，食落胶质好似好重，实净得嚟易咬开嘅。味道咸咸地，夹杂住啲鱼味。炒饭炒得够干身。另外叫咗蒜泥白肉，蒜泥未够多未够澎湃，肉就大片嘅，同埋徧肥无乜肉感。肉下面仲有啲粗身粉皮，过长，食得都几狼狈。叫多碟芹菜猪肉煎饺，芹菜味无乜，但煎得几香，稍为多油咗少少。建议加啲辣酱提升味道，幸好有老板娘嘅朋友喺度，有机会浅尝吓私家秘制辣椒酱，好有麻味，够香而小辣！！