影片
更多
2024-10-23
116 浏览
今晚同个朋友一齐去左间叫「鸟鑫」既串烧店食野。间舖系楼上既，地铁站行去都方便，地方几干净，座位都几阔落，又无限时，可以静静地同朋友倾下计。好开心被安排坐系bar枱位置，可以睇到师傅点烧，又可以第一时间食到😋职员仲好贴心，帮我地换左几次上菜既碟。呢间店主打系食鸡既唔同部位，有d仲系你未听过同未食过既，几特别下。仲有少量其他既类型串烧。呢款沙葛椰菜前菜唔错，沙葛清甜、椰菜新鲜，就甘食都唔错，仲有配埋个味噌酱，又有另一番风味。叫左2款清酒🍶饮下，左边系京姬柚子梅酒，右边杯系浅涧梅酒，味道几好。香香既梅酒，对于唔饮酒既我来讲，唔错既体验，好易入口，好饮。鸡胸紫苏叶+鸡柳柚子: 鸡柳柚子有清清既柚子味，唔太浓郁，淡淡既柚子味令鸡柳更特出，食落都好好味😋啖啖肉。 呢串鸡胸紫苏叶好嫩滑又多汁，仲担心鸡胸会唔会太鞋身，完全唔知食紧系鸡胸，加埋紫苏叶既香味。配搭得好好👍🏻香喷喷既烧鸡皮，非常邪恶，但超脆卜卜，油脂适中。呢串鸡肝正，烧到好焦香。冬菇，佢烧完再系上面加左少少木鱼丝，令到个味道更加特别，香香既菇味再配合木鱼丝，唔错唔错。免治鸡肉捧，竟然有鸡软骨系入面，再配合埋日本鲜红蛋黄，仲更加好味，每一啖都
间舖系楼上既，地铁站行去都方便，地方几干净，座位都几阔落，又无限时，可以静静地同朋友倾下计。
好开心被安排坐系bar枱位置，可以睇到师傅点烧，又可以第一时间食到😋职员仲好贴心，帮我地换左几次上菜既碟。
呢间店主打系食鸡既唔同部位，有d仲系你未听过同未食过既，几特别下。仲有少量其他既类型串烧。
呢款沙葛椰菜前菜唔错，沙葛清甜、椰菜新鲜，就甘食都唔错，仲有配埋个味噌酱，又有另一番风味。
叫左2款清酒🍶饮下，左边系京姬柚子梅酒，右边杯系浅涧梅酒，味道几好。香香既梅酒，对于唔饮酒既我来讲，唔错既体验，好易入口，好饮。
鸡胸紫苏叶+鸡柳柚子: 鸡柳柚子有清清既柚子味，唔太浓郁，淡淡既柚子味令鸡柳更特出，食落都好好味😋啖啖肉。 呢串鸡胸紫苏叶好嫩滑又多汁，仲担心鸡胸会唔会太鞋身，完全唔知食紧系鸡胸，加埋紫苏叶既香味。配搭得好好👍🏻
香喷喷既烧鸡皮，非常邪恶，但超脆卜卜，油脂适中。
呢串鸡肝正，烧到好焦香。
冬菇，佢烧完再系上面加左少少木鱼丝，令到个味道更加特别，香香既菇味再配合木鱼丝，唔错唔错。
免治鸡肉捧，竟然有鸡软骨系入面，再配合埋日本鲜红蛋黄，仲更加好味，每一啖都充满浓郁既肉香。
鸡蚝肉，会系鸡既咩部位呢？食落又几正，个皮烧得好脆，配合滑滑多汁既鸡肉，好味，推荐。
食甘多唔同既鸡部份，都要叫返d海鲜食下，白鳝系我最钟意，烧得真系好好，鳝肉弹牙爽口多汁，皮又脆，重点完全无骨，非常放心大大啖食。
鸡甲状腺原来都食得既，好特别既口感，中间系空心既，烟烟韧韧甘，不妨一试。
鸡中翼，系将鸡翼切开，皮同肉分开烧，甘样烧又烧到鸡皮同鸡肉，唔会得皮香口，而家鸡肉都一样烧到香喷喷。骨都好易脱。
哈哈，食得太多肉，点都要食返少少菜类中和下，呢串翠瓜瓜的确唔错，唔干身，仲好juice。
呢碟明太子长芋好好食😋好香既明太子。
呢串银杏我仲以为会好苦，点知又几好食下，烟烟韧韧甘。
呢串系鹌鹑腿，平时鹌鹑蛋就食得多，鹌鹑腿又真系未试过，见到menu有，叫左串来试试，啖啖肉，又唔肥，好岩食。
牛舌超厚身，食落好爽口，味道浓郁，加埋柠檬汁就very good。
鸡颈肉，望落去同普通鸡肉无大太分别，唔讲我都未必知系鸡颈肉，又几唔错个味道，肉香四溢😋
鸡横膈肌，呢个部位系特别烟韧，有口感既。
呢3串最特别，鸡掌心、鸡腿根、鸡膝盖，口感好特别，因为平时真系比较少食，原来都可以整到甘好食。几爽口同烟韧，又烧到脆卜卜同好香，呢几串真系几过瘾下😎
呢餐食左1600几蚊，平均每人800蚊左右，但食到超饱，非常满足😌可以食到甘多唔同鸡既部位，呢间系唔错既选择。推荐！
张贴
