鳳城酒家 (已結業)

今天一行九人去食了，抵食，片皮鸭有水准，配菜齐哂，食到你饱都得呀，我哋同炸子鸡无缘，几次都取唔到，无奈，点心制作认真，虾饺及烧卖好大只，肠粉好滑，烧味小食都好有质素，叉烧及鸭下巴好正，但小炒名菜就失望D，特别系脆皮炸鲜奶及窝贴大明虾，炸得唔好，可能炸到尾油温唔够热，脆浆及面包吸了较多油，油腻感好重，唔够干爽，希望凤城店方多加留意，好彩佢小炒名菜每份约二人份量，合大家试多几样嘢，整体好抵食，当食片皮鸭及点心放题都抵，建议煎炸嘢剪开分享来食，可试多些种类，上菜速度合理，所以千万不要一次叫齐超多热嘢，免放凉而变得唔好食，三个钟够哂大家慢慢叹。