影片
更多
2017-12-28
3149 浏览
睇到食友嘅食评，讲到呢间越南菜馆几好咁，又撞正今晚得一支公，屋企无饭开，就收工走过嚟食完先返屋企，近香港站我返归又方便。况且，越南菜啱我，小弟都几钟意食越南河。有时有朋友睇到小弟嘅一支公食评，就话又唔约佢，𪠳！有啲人约极都约唔到，约亲都话有约，我一支公食不知几自在。由公司行过嚟都喺十来分钟，晌门口，仲见到个阿姐派优惠单张，惠顾满$50就减$10，变相八折㖞。餐厅位处地库，但由落梯楼梯嘅通道，至进入餐厅，都挂咗好多富越南特色嘅美食或地道景物照片。加上一室绿色为主调，配以木系枱櫈，唔知点解，好似有种共产色彩。目测所见，全店都喺4人卡位，而且，设计阔落，不过，大棚人嚟就要分枱坐。餐具好似时下茶记咁，放晒晌枱边柜桶，但摆放得井井有条。主餐牌好大本，但有啲难影，所以，图片方面就唔介绍，简单以文字梳理吓就算，菜式分门别类，部份附有图片，类别有汤粉类、捞檬类、越式传统海滨、沙律、饭类、炒粉、地道小食、米纸卷、汤品、主食、烧物、越式煲仔类、田园青菜、特式饮品、港式饮品同埋甜品，数数吓，选择认真多。散点以外，备有多款精选套餐，有1人、2人、4人嘅套餐，无论拣边款，选择有弹性。以小弟所拣嘅1人套餐为例，又
有时有朋友睇到小弟嘅一支公食评，就话又唔约佢，𪠳！有啲人约极都约唔到，约亲都话有约，我一支公食不知几自在。由公司行过嚟都喺十来分钟，晌门口，仲见到个阿姐派优惠单张，惠顾满$50就减$10，变相八折㖞。
餐厅位处地库，但由落梯楼梯嘅通道，至进入餐厅，都挂咗好多富越南特色嘅美食或地道景物照片。
加上一室绿色为主调，配以木系枱櫈，唔知点解，好似有种共产色彩。目测所见，全店都喺4人卡位，而且，设计阔落，不过，大棚人嚟就要分枱坐。
餐具好似时下茶记咁，放晒晌枱边柜桶，但摆放得井井有条。
主餐牌好大本，但有啲难影，所以，图片方面就唔介绍，简单以文字梳理吓就算，菜式分门别类，部份附有图片，类别有汤粉类、捞檬类、越式传统海滨、沙律、饭类、炒粉、地道小食、米纸卷、汤品、主食、烧物、越式煲仔类、田园青菜、特式饮品、港式饮品同埋甜品，数数吓，选择认真多。
散点以外，备有多款精选套餐，有1人、2人、4人嘅套餐，无论拣边款，选择有弹性。
以小弟所拣嘅1人套餐为例，又有升级优惠，只喺加$18就多一款越式小食，绝对好着数。套餐包一杯港式热饮，但亦可以加钱改其他嘢，如加$6转越式特饮，加$18转滴漏咖啡或椰青。
香茅猪颈肉米纸卷 +$18写到明一客3件，仲以为几将货就价得细细件，净喺睇份量，加18蚊都觉得已经抵呀。每件都塞满馅料，有猪颈肉、甘笋丝、米粉、青瓜丝、白萝卜丝及生菜，口感清爽，食味亦不俗，猪颈肉好重香茅味；虽然啲米纸薄透，但似乎浸得唔够透，偏韧，要扣分。
越式火车头 $72喺店家嘅推介菜式之一，份量绝对喺名副其实嘅「火车头」，无改错名，因为底下藏咗好多越南粉，够胆讲够两个人食，早知份量咁足，就唔贪小便宜要埋客米纸卷。啲河粉够爽滑，配菜又点？有齐生牛肉、牛腩片、牛丸、牛筋、牛栢叶，用料不赖兼份量足，生牛肉入口好嫩滑，牛腩片咬口有肉香，牛丸却得一粒，算爽口，牛筋炆得腍滑带点烟韧，牛栢叶就好爽口。至于个牛骨汤底好香，浓而不浊。伴有唔少金不换及青柠，不妨拌入汤中，味道会起出变化。
越式火车头
$72
32 浏览
3 赞好
0 留言
越南滴漏咖啡 +$18茶记首选喺奶茶，食西餐首选喺咖啡，而到越南餐厅基本上都喺滴漏咖啡为首选，再者计过数咁先凑够过百，可以用两张优惠券，减足廿蚊，变相杯咖啡其实喺补$8啫。啲咖啡滴吓滴吓好有一滴滴精华嘅感觉，上配炼奶，可能炼奶偏少，咖啡嘅味道有点苦涩。
「鸣越」嘅份量的确够晒大，无论加配嘅小食，抑或碗火车头，而且，味道又唔错，可以讲得喺抵食挟大件，无加一，又有啲优惠券，服务又比一般茶记好好多，所以，性价比不俗！
张贴
