魚塘鴨子 (已結業)

行到去圆方，想有一个轻松嘅环境饮一个happy hour同埋early dinner。于是就上咗平台嘅演荟广场。由于行街已经行到好攰，所以上到去见到第一间就决定入去坐低。比较特别嘅系呢度大部份都系西餐厅，呢度就系一间中餐厅。Cocktail唔错，wine 同wine service就唔得，可能始终系一间中餐厅。莴笋炒得几好食。小笼包皮薄有肉汁，红色𠮶粒系红菜头皮，不过味道就同普通小笼包一模一样冇分别。我记得四川地区会将啲牛肉切到好薄然后晒干，但冇食过。呢度灯影牛肉应该就系类似嘅嘢。牛肉好薄，恶到今朝落去系可以穿透牛肉嘅。有少少嘅麻辣香味，而口感就有啲似去台湾食嘅猪肉纸。好特别，用嚟佐酒都好好。今日食嘅半只填鸭有六折，望落去其实几靓，不过半碟嘅青瓜好黄，换过一碟之后都依然系好黄，好似切咗好耐咁。皮其实烧得几好，不过啲肉切到好厚而且岩岩蚕蚕，有失精致。呢餐大抵上都正正常常，除咗填鸭之外其他嘢都几好食，焦点菜式做得唔好嘅餐厅，都真系几特别。