好正

营业中

休息中

以前强记个位原来已经转咗第二个铺，都系卖小食见佢小店形式，但装修得几精致，反而被佢两壶汤所吸引，店员话再出名系老鸭汤，每日新鲜煲冇防腐剂，最好系可以医治皮肤痕痒，而家冬天呢啲时间饮呢个汤最适合，一碗大大碗，都系$68 ，比起超级市场买即饮汤包感觉抵好多，而且味道真系非常好，好浓郁，而且胶质丰富。虽然话系小店，不过除咗有烧卖鱼蛋之外，好多小食我觉得可以当夜晚加𩠌，我点咗墨鱼饼，同埋牛杂，全部都好惹味，屋企自己简单翻热佢，夜晚就可以煮少两个𩠌。连甜品都有，水准重要几高添，合桃露好香浓配埋芝麻汤圆，饭后甜品真系一流，估唔到一间小店，可以做到咁多高质素嘅食物，而且个汤小朋友一饮爱上，已经叫我下星期要再买。